Ta rơh mâp măt, Tổng Bí thư, Kruanh dak hŏ nkah pơk 4 nkô̆ nău glo tơm, nê lah: Ân gĭt di mpeh nkô̆ hôr bah dăp rgum n’hanh nău dơn kan bah cán bộ tâm dăp rgum; Ân nchrăp nău blău kan ngăn ngăn bah rmôt cán bộ mpeh săk Ban Bí thư mât tâm rơh mhe.

Mâng weh n’glĕ dŭt lah ndơ geh ƀư, lôch jêh, ring tam, nsing nơm n’hanh rnoh âk rhŏ dŏng ƀon lan; Ân rgâl mhe nău mât uănh, tiăr nti n’hanh dŏng cán bộ lôch jêh dăp rgum. Păng êng njrăng đă nău nta trong dơh gay cán bộ nănh mĭn, nănh ƀư, nănh dơn nău kan. Tổng Bí thư, Kruanh dak Tô Lâm lah kloh nău nchrăp rmôt cán bộ nar aơ lah nchrăp nău dơi rđău kan bah Đảng an ăp njăr trong hun hao mhe. Dăp rgum lah rnôk nchrăp, tiăr nti, uănh năl n’hanh sơch lor; mô kâp nchrăp “nsưng” gŭ kan an cán bộ kruanh rđău kan. Tổng Bí thư, Kruanh dak lah rjăp: nău kan lah nău tâm pă ƀư bah mpôl kan; nău dơi kan lah nău nsing đă gay rhŏ dŏng neh dak n’hanh ƀon lan; săk lư, nsing nơm n’hanh têl nkah nău n’groh an tă bah ăp nuĭh rdâk ƀư. Nuih n’hâm uĕh lŏng n’hanh nău dơi kan bah cán bộ ân dơi uănh năl tâm ngăn ngăn, ma trong dŏng nău dơi kan, ma lôch jêh nău kan n’hanh ma nău nsing nơm bah cán bộ, đảng viên n’hanh ƀon lan.