Hăn khâl rơh dja bah Tổng Bí thư, Kruanh dak Tô Lâm lah rjăp tay nău khlay dâk leo lor bah Việt Nam, lah lor bôk năp bah ASEAN tâm boh đah EU.

Đah săk geh tâm boh pơk hvi n’hanh nău nsing nơm tâm boh bar ding uĕh lăng let năp tay, nsing ta ăp nău dơi ntoh lư tâm rlău 35 năm aơ, hăn khâl lah rnôk gay bar ding ƀư jru hvi lơn tâm boh ăp n’gâng tơm tâm boh khlay, lơn lah mpeh tăch rgâl, ntuh kơl, khoa học- công nghệ, ntĭm nti tơm nuĭh kan, bah nê rdâk njêng tâm boh Việt Nam - EU jêng ntĭt leo lor tâm trôm tâm boh ASEAN-EU. Đah Bỉ, hăn khâl gay bar ding njêng jâng chuat khlay mpeh tâm boh tâm ăp trong kan Bỉ săk geh n’hanh Việt Nam dôl rgum an ƀư lor kơt khoa học - công nghệ, chip bán dẫn, ŭnh nar sĭt jêng tay, tuch tăm nđĭr uĕh n’hanh rgâl blău njêng mhe, logistics n’hanh ndrâm dak lêng ăp tŏng nău lư.