Tổng Bí thư, Kruanh dak Tô Lâm ndrel Mpôl đại biểu gưl prêh Việt Nam lôch uĕh ăp nău ƀư tâm trôm Rƀŭn nchră gưl prêh Pháp ngữ rơh tal 19 n’hanh khâl na nê̆ Cộng hòa Pháp bah lơ 3/10-7/10/2024, tĭng nău jă bah Tổng thống Cộng hòa Pháp Emmanuel Macron. Tâm nar khâl na nê̆ Cộng hòa Pháp, Tổng Bí thư, Kruanh dak Tô Lâm lĕ râng ƀư wơt na nê̆; mâp báo chí, rgum nchră đah Tổng thống Emmauel Macron; rgum nchră Kruanh Thượng viện Pháp; wơt  Bí thư lam dak Đảng Cộng sản Pháp, Rmôt kan hữu nghị Pháp-Việt Nam; khâl ngih pah kan n’hanh pah kan đah Tổng Giám đốc UNESCO.

Pháp n’hanh Việt Nam lah rjăp nău khlay bah chủ nghĩa ăp ding, tâm nĕ Liên hợp quốc mât ƀư ta n’gul, nkre mĭn lah tay tâm ton tĭng Hiến chương Liên hợp quốc, lơn lah uănh khlay bah nău ntrôl n’hanh mât njrăng nău dơi kon nuĭh n’hanh ăp nău dơi dah rŏng đah nău hun hao bah ăp dak. 2 ding tâm ton n’hao râng tâm ôp n’hanh tâm rgop ta ăp rƀŭn nkual, lơn lah ASEAN, n’hanh lam ntŭr neh, tâm nĕ geh Rmôt kan lam ntŭr neh Pháp ngữ.