Ta tâm nchră, nuĭh ƀon lan nkoch âk nkô̆ nău geh tât na nê̆ tât nău rêh kơt neh ntu, dăp rgum, ntĭm nti, dak si, ntung trong, ntŭk gŭ rêh n'hanh đăp mpăn ndơ ngêt sa. Nuĭh ƀon lan đă đŏng ăp trong nchrăp kan hun hao ta nkual ân đăp mpăn nău dơi, nău rêh jŏ jong bah nuĭh ƀon lan, lơn lah tâm pah kan ntrơn du, trok tâm n'hanh ntŭk gŭ mhe. Mpeh đăp mpăn ndơ ngêt sa, Tổng Bí thư, Kruanh dak Tô Lâm đă uănh nđôi rjăp ntơm bah nkra njêng tât tăch, n'hao uănh năl tu tơm, rmal rjăp ndơ rlăm, ndơ mô kloh uĕh, mô an geh ntŭk ntô tâm nău mât uănh. Đah ăp nkô̆ nău ƀon lan nkoch, Tổng Bí thư, Kruanh dak dăn đă ngih pah kan dơi kan ntrŏng năl na nê̆ nuĭh dơn nău tih, nar rmal n'hanh mbơh nău lư plơ̆ tay an nuĭh ƀon lan. Ăp nkô̆ nău rlău nău dơi an rgum, nkoch đah Quốc hội, Chính phủ n'hanh ăp ngih pah kan Trung ương, nkre tĭng groi nđôi, uănh nđôi nău ƀư tĭng.