Nkhêp nkah ndray 78 năm Nar Kruanh Hồ Chí Minh n’gluh nău kuăl jă tâm rlong rŏng dak (11/6), ôi 10/6 ta Nhih pah kan kruanh dak, Tổng Bí thư, Kruanh dak Tô Lâm mâp măt dêh bên 100 nuĭh ntơh măt ntoh lư bah “Nuĭh kan uĕh” tă bah Radio ƀoh rup Việt Nam ƀư.

Ăp nuĭh ntơh măt tât bah âk nkual, ăp ntil năm deh, ăp ntil nău kan n’hanh nău rêh êng êng, yơn geh nsum du nuih n’hâm rêh tâm rŏng, tâm kơl, mbra kơl ăp nuĭh tât. Ntơh măt kruanh rđău kan Đảng, Ngih dak, Tổng Bí thư, Kruanh dak Tô Lâm rnê ăp nău kan uĕh lăng, lah rjăp aơ lah ăp rnoh khlay rŏng nuĭh jru rgop rêng lam nău way ơm tâm rŏng bah rnoi nuĭh. Nkre dăn đă ăp n’gâng kan, ăp n’gor rgâl mhe tay trong leo tâm rlong rŏng dak tĭng trong rƀŏng ngăng ngăn, nkre đah nău dơn kan hun hao neh dak n’hanh rhŏ dŏng ƀon lan; n’hao săk tam rhŏ dŏng, mât chăm nău rêh nuĭh ƀon lan n’hanh ngăch droh rklaih ăp jêr jŏt, wăk kol tâm dâng.