Nkah ndray Nar Doanh nhân Việt Nam, kêng măng 11/10, ta Nhih pah kan kruanh dak, Tổng Bí thư, Kruanh dak Tô Lâm mâp măt Mpôl ntơh măt doanh nhân ntoh lư bah Liên đoàn Thương mại n’hanh Công nghiệp Việt Nam n’hanh Mpôl doanh nhân Việt Nam. Lah ta rơh mâp măt, Tổng Bí thư, Kruanh dak Tô Lâm nchih nkah n’hanh mpư rnê ăp nău dơi, nău geh khlay bah rmôt doanh nhân đah nău hun hao bah neh dak. Nkre nchih nkah n’hanh mpư rnê Liên đoàn Thương mại n’hanh Công nghiệp Việt Nam ndrel ăp hiệp hội doanh nhân, doanh nghiệp hŏ geh âk nău rgop rdâk njêng mpôl doanh nghiệp nâp dăng.

 Yơn lah, Tổng Bí thư, Kruanh dak hŏ nchŏng luh ăp mpăng đêt bah rmôt doanh nhân dak he nha hôm jê̆, tơm prăk kaih mô hŏ âk dăng, nău dơi mât bôk kan hôm rbăn lhơ, mô hŏ geh âk doanh nhân hao têh kuâng dơi tâm rlong tâm nkual n’hanh lam ntŭr neh. Yor kơt nê̆, Tổng Bí thư, Kruanh dak, doanh nghiệp ndrŏng kuâng ri neh dak têh dăng. Yor kơt nê̆, nău rgum droh rklaih jêr jŏt an doanh nghiệp, ntrŭt ntrôl doanh nghiệp hun hao lah nău dơn kan rgum tơm dâk bôk năp bah lĕ rngôch ăp gưl, ăp n’gâng kan. Tổng Bí thư, Kruanh dak dăn an rmôt doanh nhân dak he nar lơn ma hun hao dăng n’hanh jŏ jong, rlău dơi ntul rlong, wơt trong dơh, nsĭt geh âk nău dơi tăch rgâl, rgop tâm nău hun hao wăng sa neh dak n’hanh nău geh tŏng lĕ rngôch lam rêh jêng kon nuĭh../.