Rnê âk nău lor nchrăp bah ăp n’gor tâm nău nchrăp ndơ dŏng, nhih nti, jrô nti, rmôt nai ntĭm nti, ndrôm siƀŭt n’hanh trong ntop kơl nuĭh nti, Tổng Bí thư, Kruanh dak an lah năm nti mhe mbra lah nău rlong lor bôk năp đah nău dơi an ƀư Nghị quyết 71 bah Bộ Chính trị.

Nuĭh mât bôk Đảng, Ngih dak đă ăp n’gor an tŏng nhih nti, jrô nti, nai ntĭm, ndrôm siƀŭt n’hanh ndơ dŏng ntĭm nti tơm; đăm gĭt jru nuih n’hâm “ta ah ntŭk geh kon se nti, ta nê geh nai ntĭm”, mô an du hê kon ntlơi nti tă bah nău rêh jêr jŏt. Nkre, n’gâng kan ntĭm nti ân ntrôl dăng nău mĭn bah mât bôk tât mât uănh hun hao, lor nchrăp nta joi tơm nuĭh kan săk blău âk rhŏ dŏng khoa học công nghệ, rgâl blău ƀư mhe, rgâl mbrô n’hanh ăp n’gâng kan têh jong bah neh dak.