Hà Nội geh âk nău dơi uĕh đah GRDP hao 8,22%, nsĭt geh ngân sách rlău 404 rbăn rmen prăk, n’gluh tơm prăk ntuh kơl rlău 63 rbăn rmen prăk.

Rnê ăp nău nsrôih bah nkual ƀon têh tâm nău ƀư lôch jêh ăp tŏng trong tĭng, hun hao ndơ dŏng, rgâl dơh glêh siƀŭt ƀư an ntŭk sŭng aih hun hao, Tổng Bí thư, Kruanh dak đă Hà Nội rgum tĭng ƀư 8 nău kan rgum tơm tâm 6 khay kêng dŭt năm, uănh hun hao bar mbrô lah nău dơn kan chính trị khlay. Na nê̆, Hà Nội ân njêng đăt ndal mpeh khoa học, công nghệ, rgâl blău ƀư mhe, rgâl mbrô n’hanh tơm nuĭh kan săk blău âk. Hà Nội ân hăn lor tâm rdâk njêng jâng wăng sa nsing ta nău gĭt blău, rgum prăp nău lư n’hanh blău njêng mhe, ntrôl ngăch uĕh di, buăt nthoi n’hanh mât dŏng nău lư nsum rhŏ dŏng an mât bôk kan, nchroh hun hao, groi nđôi ntuh kơl, mât dŏng neh ntu, nkra ƀư siƀŭt n’hanh đăp mpăn tŏng ăp nău rêh.