Lôch rnôk djăt ăp nău mbơh n'hanh ăp nău rgop ntoh ngơi, Tổng Bí thư, Kruanh dak lah na nê̆, bâh 15 năm ƀư tĭng rdâk njêng, rgâl mhe Đảng, nău ŭch ndơ̆ luh mô dơn lah saơ, rmal nău tih ma têh lơn lah rdâk njêng nău dơi njrăng rdâng êng, rgâl mhe êng, rgâl mhe êng, ƀư lôch ueh êng ƀa ƀơ. Tổng Bí thư, Kruanh dak  lah na nê̆, soan dăng bâh Đảng bôk năp lah nău dơi gĭt êng, rgâl mhe êng, mô an nău tih plơ̆ tay. Tổng Bí thư, Kruanh dak  dăn đă, Nghị quyết mhe ân njêng luh nău rgâl ngăn ngăn: mpôl kan đảng ân dăng lơn, chi bộ ân uĕh lơn, nuĭh dâk bôk tŏng nău dơi rdâk njêng, leo ƀư hun hao rmôt kan, n'gâng kan ƀĭt joet, nău dơi mât uănh rjăp, ăp nkô̆ nău tâm di bah nuĭh ƀon lan dơi mkra ngăch. Yor kơt nê̆, ân rdâk njêng du nghị quyết di rnoh, dơi ƀư, njêng nău rgâl dăng, n'hao nău dơi rđău kan mât bôk kan bah Đảng, tŏng đah nău ŭch geh hun hao neh dak tâm rơh mhe./.