Ôi ntri (17/06), ta hội trường Bộ Quốc phòng ƀư rgum Đại hội đại biểu lam dak Mpôl tahen ơm Việt Nam tâl VIII năm kan 2026-2031 đah nkô̆: Ntik n’hao săk tơm “Tahen Wa Hồ,” nău way ơm “Du nuih n’hâm-Tâm rnglăp-ntĭt leo lor –Rgâl mhe;” rdâk njêng Mpôl tahen ơm Việt Nam kloh uĕh, nâp dăng, wat jêh uĕh nău dơn kan.

Lah rđău đă ta Đại hội, Tổng Bí thư, Kruanh dak Tô Lâm lah rjăp, neh dak he dôl lăp tâm rơh hun hao mhe đah nău nđơr têh, nău ŭch tât kan têh n’hanh nău ŭch geh ƀư jăch ndăn; tâm rnôk nê, nău ŭch ndơ̆ luh đah Mpôl tahen ơm Việt Nam mô dơn lah ƀư jăp nău dơn kan way ơm, ma ân rgâl mhe dăng nkô̆, trong leo kan; n’hao săk tam leo mât bôk kan Hội. Ta nuih n’hâm dja, Tổng Bí thư, Kruanh dak Tô Lâm dăn đă, Đại hội uănh khlay tâm nchră, tâm ban ŭch dơn ngoăy tĭng ƀư jăp nău rdâk njêng Mpôl tahen ơm Việt Nam nâp dăng lam lĕ rngôch, lah mpôl kan chính trị - rêh jêng nsing nơm ngăn bah Đảng, Ngih dak n’hanh ƀon lan.