Ntơh măt ăp kruanh rđău kan Đảng, Ngih dak ntăm an săk ntơ lư Anh hùng lực lượng vũ trang nhân dân an Học viên An ninh nhân dân, Tổng Bí thư, Kruanh dak Tô Lâm lah rjăp, nău khlay, ntŭk gŭ kan rgum tơm ntĭm nti, gŭ mĭn khoa học dâk bôk năp bah mpôl Công an ƀon lan đah nău lor nchrăp, nsrôih leo gŭ mĭn khoa học, râng n’glôch jêh ngăn ngăn gŭ mĭn lý luận, Học viện hŏ rgop khlay tâm rdâk njêng lam trong kan lý luận nău kan mât rnă njrăng neh dak mha êng Việt Nam. Tổng Bí thư, Kruanh dak Tô Lâm dăn đă, Học viện ân ntrŏng năl ntŭk hun hao mhe bah Học viện bah ntŭk rgum ntĭm nti gŭ mĭn khoa học dâk bôk năp bah mpôl Công an ƀon lan aƀaơ jêng ntŭk rgum ntĭm nti gŭ mĭn dâk bôk năp neh dak tâm ban dak bah dih tâm năm 2045 tâm rnôk nkah ndray 100 năm Nar way ơm mpôl công an ƀon lan.