Ta ntŭk rƀŭn nchră, ăp đại biêủ djăt nău mbơh tơih n’hanh tâm nchră mpeh nău wăng sa-rêh jêng khay 6 n’hanh 6 khay bôk năm 2026, nău pă kan, pă prăk ntuh kơl kan nsum, ƀư tĭng bôk nău kan nkô̆ mpŏng ngih dak, uănh năl nău ƀư tĭng tơm prăk ngih dak 6 khay bôk năm 2026, mpeh nău kan ntĭm đă, leo kan bâh Chính phủ, Thủ tướng Chính phủ khay 6 n’hanh 6 khay bôk năm, nău kan tơm khlăy an geh rgum ntĭm đă tâm let năp tay, mpeh nău kan nchrăp an năm nti mhe 2026-2027 n’hanh du đê̆ nkô̆ nău êng. 6 khay bôk năm 2026, nău wăng sa têh khlăy lĕ đăp mpăn. Hun hao wăng sa an geh mât tay nău hun hao ueh. GDP prao khay bôk năm hao geh klâp ma 8,39%, ndơ̆ rnoh hun hao 6 khay hao tât 8,18%. Ntoh ngơi ta rơh rƀŭn nchră, Tổng Bí thư, Kruanh dak an lah, neh  dak dôl geh dâk ta năp rơh nkhêp hun hao dŭt ueh têh ngăn, yơn lah kanŭng jêng nău dơi ngăn rnôk ma lam dak geh nău nsrôih âk, nău mĭn di, nău kan ueh aih, nău leo kan geh săk rnglăy, cán bộ nănh kan, doanh nghiệp pah kan têh, ƀon lan du nuih n’hâm, yor nĕ, nău mĭn nsum lah an geh nsrôih âk lơn, pah kan răng dăng lơn, leo kan ƀư an geh răng dăng lơn, nkre lah nsrôih ƀư lôch ueh ngăn ăp nkô̆ mpŏng kan năm 2026, nkre njêng nău nâp nâl ueh an năm 2027 n’hanh lĕ rơh hun hao mhe bâh neh dak.