Tổng Bí thư, Kruanh dak mĭn lah Việt Nam kơl nău ndâk njêng, hun hao neh Campuchia; lah rjăp tâm boh đah 2 Đảng, 2 dak Việt Nam-Campuchia n’hanh 3 dak Đảng, 3 dak Việt Nam-Campuchia-Lào lah drăp ndơ khlay an mât ndrăy, ƀa ƀơ.

Tổng Bí thư, Kruanh dak đă n’hao săk rnglăy ăp trong ƀư kan ndrel geh aƀaơ, ngăn lah ăp rơh mâp đah kruanh Chính phủ, mât njrăng bri dak, công an n’hanh tâm rnglăp nchră nău bah dih 3 dak. Uănh lah prêh rgum nchră đah Thủ tứng Hun Manet n’hanh Thủ tướng Chính phủ Lê Minh Hưng, Tổng Bí thư, Kruanh dak nkoch nău rhơn ta năp nău hun hao lĕ rngôch bah tâm boh ăp ding, đah trong nsing nơm chính trị, kan ndrel mât njrăng bri dak-rnă njrăng nâp nâl, tăch rgâl hao jêng uĕh, tâm nđŭr druh ndăm nar lơ âk. 2 ding lah rjăp nău ƀư nchrŏng trong bah Đảng, nkre tâm pă trong uănh mpeh ntrôl kan ndrel khoa học, công nghệ n’hanh boăt nthoi hun hao tâm lvang tât.