Ta rơh wơt, Tổng Bí thư, Kruanh dak Tô Lâm lah rjăp tâm boh njrăng n’gang neh dak lah n’gâng tơm khlay tay, rgop n’hao tâm boh bar dak lăp tâng jru, ngăn ngăn, rgop tâm bah tâm lơh tâm su n’hanh hun hao bah nkual n’hanh lam ntŭr neh. 

Tổng Bí thư, Kruanh dak Tô Lâm lah rjăp Việt Nam uănh Hoa Kỳ lah ngoăy tâm ăp băl tâm boh khlay dâk bôk năp, ŭch rŏng ndrel Hoa Kỳ an ƀư tay geh nău tam tâm boh têh jong lam lĕ rngôch, n’hao tâm boh bar dak hun hao nar lơn ma ngăn ngăn, jru hvi n’hanh nsĭt nău dơi tam, yor ma nău geh bah ƀon lan bar dak. Đô đốc Paparo tâm ban ŭch đah ăp nău dăn đă ngăn ngăn bah Tổng Bí thư, Kruanh dak Tô Lâm mpeh ăp trong ntrŭt ntrôl n’hao tâm boh bar dak hao prêh mhe, nkre ton Bộ Chỉ huy Thái Bình Dương mbra kan nsum tay lhăt đah Việt Nam gay an ƀư geh nău tam ăp bôk nău kan tâm boh kơl nuĭh, kơl nău tât trôk nar lơh, n’hao nău tam dŏng pháp luật ta dak lêng.