Rơh hop rgum tâm rkhăch ăp trong nkra ntik n’hao nău khlay tâm boh bah Đảng đah dak bah dih, n’hao nău dơi tam tâm boh ƀon lan đah dak bah dih, n’hao dăng kan nsum đah pe n’gâng tơm tâm boh Đảng đah dak bah dih, tâm boh ngih dak đah dak bah dih n’hanh tâm boh ƀon lan đah dak bah dih, nkre ntik n’hao nău khlay kan bah ăp nhih pah kan ntơh măt Việt Nam ta dak bah dih.

Lah rđău đă, wa Trần Cẩm Tú đă ăp n’gâng kan, ăp n’gor n’hanh ăp mpôl kan chính trị - rêh jêng kon nuĭh dơi n’hao tay nău gĭt êng mpeh ntŭk kan, nău khlay kan bah tĭng n’gâng tơm tâm boh dak bah dih, đăp mpăn an ƀư ăp kôp, jôn rbăn gay rhŏ dŏng geh nău tam ăp rnoh tât kan têh khlay bah neh dak. Păng lah rjăp nău dơn kan rdâk nâp tay, ƀư jru hvi tâm boh đah ăp đảng tơm, lơn lah ăp đảng mât bôk kan ta ăp dak kâng n’har, ăp dak têh n’hanh ăp dak tâm boh hŏ njêng nduar nkăp tâm boh, nkre rgâl mhe tay, an ƀư ngăch ngăr ăp trong n’guăk tâm boh ta trong Đảng.