Njuăl nău mbah rhơn uĕh lăng ngăn tât ăp đại biểu, Tổng Bí thư, Kruanh dak nkoch, di nkah gĭt 101 năm nar Báo chí cách mạng, he nkah gĭt Kruanh Hồ Chí Minh, du hê nchih báo blău ngăn, wa an n’gâng tơm jêng báo chí cách mạng Việt Nam.

He ryơk ăp rơh nuĭh nchih bao hăn lor, lơn lah rlău 500 nuĭh báo lĕ roh n’hanh hăng rbăn nuĭh báo sôt rmanh, lĕ nsơr soan lôch săk yor đăp mpăn, dah rŏng bah neh dak, yor uĕh lăng bah nuĭh ƀon lan, yor nău kan báo chí Cách mạng Việt Nam. An lah, báo chí an hăn ndrel đah ăp nău kan kơl lor bah neh dak tâm rơh mhe; Tổng Bí thư, Kruanh dak Tô Lâm đă, báo chí an râng đah nuih n’hâm ndâk njêng: saơ di nău, lah di na nê̆, rblang di nkô̆ nău, đă di trong. Tổng Bí thư, Kruanh dak nsing nơm đah rmôt ăp nuĭh ƀư báo geh jăng dăng, bôk rngok n’hanh nuih n’hâm, báo chí cách mạng Việt Nam mbra lôch uĕh tay ƀư tơm lah nău ngơi bah Đảng, Ngih dak n’hanh Nuĭh ƀon lan.