VOV4.M'nông: Ôi 13/7, ta Hà Nội, Quân ủy Trung ương ƀư Tâm nchră uănh năl jêh geh tĭng ƀư nău kan tahen, njrăng n'gang neh dak 6 khay bôk năm n'hanh an ƀư nău kan 6 khay kêng dŭt năm 2022. Tổng Bí thư Nguyễn Phú Trọng, Bí thư Quân ủy Trung ương ƀư tơm rơh tâm nchră. Lah n'glôch jêh tâm nchră, Tổng Bí thư Nguyễn Phú Trọng rnê âk cán bộ, tahen tâm lam  tahen hŏ tâm rnglăp, dơn ngoăy ƀư lôch jêh uĕh nău kan tahen, njrăng n'gang neh dak 6 khay bôk năm 2022.

Gay tĭng ƀư uĕh nău kan rgum tơm 6 khay kêng dŭt năm nkre Tổng Bí thư đă: Quân ủy Trung ương, Bộ Quốc phòng rgum rđău đă tĭng ƀư geh nău dơi bôk nău kan Nghị quyết Đại hội tâl XIII bah Đảng, Nghị quyết Đại hội Đảng bộ Quân đội tâl XI. Rgum rđău đă n'hao nău dơi gŭ mĭn, nchroh nô nău, lor nchrăp, ngăch ngăr, nsŏng kơl ngăch đah Đảng, Ngih dak nkra geh nău tam ăp nău tât, mô an geh ndrât ndal, mât njrăng nău đăp mpăn, ƀư tơm, dơn ngoăy n'hanh lam lĕ rngôch bah neh dak./.

Nuĭh rblang: Điểu Thân