VOV4.M’nông: Kêng măng 18/7, Tổng Bí thư Nguyễn Phú Trọng hŏ vơt Rmôt kan ntoh măt gưl prêh bah Đảng, Ngih dak Lào yor wa Bun-thoong Chít-ma-ny, Uỷ viên Bộ chính trị, Rnâng kan Ban Bí thư, Groi Kruanh dak Lào leo bôk hăn khâl ngăn dak Việt Nam ndrel râng nau nkah 60 năm nar tâm boh nchră nau, 45 năm nar kí nau tâm ton tâm boh ăp nau kan Việt Nam-Lào. Tổng Bí thư Nguyễn Phú Trọng ndrel wa Bun-thoong Chít-ma-ny ntoh nau rhơn mpeh nau tă geh bah nau tâm boh ueh lăng tâm ăp nau kan ma bar Đảng, bar dak tâm rơh rlau aơ, lah rjăp tâm moh nau kan, bar ding mra nsum n’hâm, nsum soan mât ndrel bun dăp gay ma nau tâm boh ueh ơm.

Nâp nâl Việt Nam-Lào, Lào-Việt Nam mro mrăng nâp nâl, leo nsĭt nau săk geh tam ngăn ân ƀon lan bar dak. Bar ding ndrel tâm rgop ngăn tâm ăp nau ntrŭnh ƀư ân geh săk tam ăp nau nchrăp kan đah rđau kan gưl prêh bah bar đảng, bar dak, n’hao nau tâm nchră, tâm nkoch mbơh nau kan nchrăp ân ntrong hăn ndrel ntrŭnh ƀư nau kan ndâk njêng ndrel hun hao neh dak./.

Nŭih rblang: H’Thi