VOV4.M'nông: Kêng măng (10/8) ta Nhih pah kan Trung ương Đảng, Tổng Bí thư Nguyễn Phú Trọng hŏ wơt wa A-nụ-phạp Tụ-na-lôm, Bí thư Trung ương Đảng, Bí thư Thành ủy, Kruanh Hội đồng Nhân dân Thủ đô Viêng Chăn, dak Lào dôl geh hăn khâl n'hanh pah kan ta Việt Nam. Ta rơh wơt, Tổng Bí thư Nguyễn Phú Trọng lah rjăp Việt Nam way ŭanh khlay n'hanh an rong lor bôk năp an tâm boh mha êng nkre lah ndrăng băl nkre lah oh nô Việt Nam - Lào n'hanh ŭch tĭng lam lĕ rngôch rơh rgâl mhe bah Lào.

Wa Tổng Bí thư Nguyễn Phú Trọng an gĭt tâm boh Việt Nam - Lào nar ma hun hao, lăp jru, ngăn ngăn n'hanh geh nău tam ta ăp trong kan, rgop khlay mât đăp mpăn chính trị, njrăng n'gang neh dak, rnă njrăng n'hanh hun hao wăng sa - rêh jêng kon nuĭh bah ăp dak, nkre nkoch ăp trong rƀŏng mpeh tâm boh đah ăp n'gâng kan, ăp gưl bar Đảng, bar dak tâm let năp tay. Tổng Bí thư mpŏng Thủ đô Viêng Chăn kan nsum lhăt tay n'hanh tâm boh đah Thủ đô Hà Nội n'hanh ăp n'gor, nkual ƀon têh bah Việt Nam n'hao dăng tâm ôp nău lư, nkoch nău tă ơm gĭt lam lĕ rngôch ta ăp trong kan./.

Nuĭh rblang: Điểu Thân