VOV4.M'nông: Ta Nhih pah kan Trung ương Đảng, wa Nguyễn Phú Trọng, Tổng Bí thư Ban Chấp hành Trung ương Đảng Cộng sản Việt Nam hŏ wơt Bộ trưởng Ngoại giao Liên bang Nga Sergey Lavrov tât mâp nkhêp geh hăn khâl Việt Nam. Bộ trưởng Ngoại giao Sergey Lavrov lah uĕh Tổng Bí thư Nguyễn Phú Trọng hŏ rong an mông wơt n'hanh mbơh lôch jêh tâm nchră, ôp srĭng nău rnôk hăn khâl mpeh tâm boh tâm ăp trong kan đah Liên bang Nga n'hanh Việt Nam, lah rjăp nău uănh khlay bah Liên bang Nga đah tâm boh têh jong lam lĕ rngôch đah bar dak, ŭch tĭng nău khlay ƀư rgum tơm bah ASEAN ta nkual, lah uĕh nău rgop bah Việt Nam tâm nău ntrŭt ntrôl tâm boh Liên bang Nga-ASEAN tâm ăp năm rlău aơ n'hanh mpơl nău mĭn bah Nga mpeh ăp  nkô̆ nău dak bah dih, tâm nê geh rơh tâm lơh ta Ukraine. Tổng Bí thư Nguyễn Phú Trọng lah rjăp Việt Nam ŭanh khlay tâm boh têh jong lam lĕ rngôch đah Liên bang Nga n'hanh tâm boh đah bar dak; mbah rhơn hăn khâl bah Bộ trưởng Ngoại giao Liên bang Nga Sergey Lavrov geh nău dơi uĕh lăng./.

Nuĭh rblang: Điểu Thân