Ôi nđaơ 19/11 ta Ngih Trung ương Đảng, Tổng Bí thư Tô Lấm, Kruanh Ban ntĭm rđău ƀĭt joet rơh rƀŭn bôk năp Ban Ntĭm rđău Trung ương mpeh n’glôch jêh nău ƀư tĭng Nghị quyết 18 lơ 25/10/2017 bah Ban chấp hành Trung ương Đảng khóa 12 mpeh du đêt nău rgâl mhe tay, dăp tay n’gâng kan ƀĭt joet bah trong Chính trị dơh ngăch, pah kan tam, săk rnglăy.

Ntơm ƀư rơh rƀŭn, Tổng Bí thư Tô Lâm an gĭt, nău ƀư tĭng Nghị quyết 18 rnôk bah năp lĕ dơi âk săk rnglăy bôk năp, yơn lah nău dăp ndâk ƀư n’gâng kan ƀĭt joet mô hŏ tâm ban, lĕ rngôch ndâk ƀư n’gâng kan ƀĭt joet bah trong chính trị hôm e âk wăk kol, âk bôk luh, gưl kan, nău kan hôm e tâm trŭp, nkĭng nkăng, mô hŏ kloh, pă gưl pă nău kan mô hŏ tâm ban, geh tam, săk rnglăy pah kan mô âk. Tổng Bí thư lah rjăp, nău rgâl mhe dăp tay ndâk ƀư n’gâng kan ƀĭt joet bah trong chính trị dơh, ngăch; têh dăng, geh tam, săk rnglăy nău đă khlay bah nu nău ngăn aƀaơ; aơ lah nău kan dŭt khlay dơi cán bộ đảng viên n’hanh nuĭh ƀon lan dŭt mpŏng kâp wơt dơn đah nău kơl têh dăng n’hanh dôl rêng hvi nău tâm ban ŭch kơl tâm lĕ nău rêh jêng kon nuĭh.