Nkah ndray 96 năm Nar njêng Đảng Cộng sản Việt Nam (3/02), ôi 4/2 ta Nhih pah kan Trung ương Đảng, Bộ Chính trị, Ban Bí thư ƀư rơh mâp măt ăp nuĭh Uỷ viên Trung ương Đảng ơm ăp khoá, rhơn Năm mhe Bính Ngọ 2026. Lôch mbơh nkrum lam mpeh ăp nău dơi ntoh lư bah neh dak ta lĕ rngôch ăp trong kan, Tổng Bí thư Tô Lâm an gĭt, lôch Đại hội XIV du rut nău kan rgum tâm pah kan rdâk njêng Đảng mbra dơi an ƀư ăp kôp kơt rgâl nkra, kơi ntop n’gluh an dŏng ăp kôp ăp ntĭm nti, quy định mpeh n’gluh an dŏng Điều lệ Đảng n’hanh pah kan ôp uănh, groi nđôi bah Đảng; rgâl mhe tay pah kan cán bộ tĭng trong rƀŏng di ngăn, geh nău tâm ban, kloh rvah; sơch di nuĭh, jao di nău kan, sŏk nău tam pah kan, nău nsing nơm bah ƀon lan n’hanh lôch jêh ƀư mâng weh tơm, mô lah tâm ban kơt an ƀư ăp trong n’hao dăng njrăng, n’gang sa khâm, mpŭng lir, tih djơh; rdâng lơh hŭch hêng nău mĭn chính trị, nuih n’hâm uĕh lŏng, trong gŭ rêh, ăp nău mpơl “rgâl jêng djơh êng, mân êng” tâm ndrăng nơm.

Lah rjăp du tơ̆ tay đŏng, Đảng, Ngih dak way uănh khlay ăp nău rgop têh kuâng bah ăp kruanh rđău kan, kruanh mât  bôk kan ơm rlău ăp rơh, Tổng Bí thư ŭch rŏng dơn tay ăp nău rgop khlay bah ăp kruanh Uỷ viên Trung ương Đảng ơm gay kơl Ban chấp hành Trung ương, Bộ Chính trị, Ban Bí thư khóa XIV wat jêh tay trong nchrăp, trong kơl n’hanh n’hao lơn đŏng săk tam rđău kan, n’hao neh dak nâp jâng chuat hun hao jŏ jong tâm let năp tay.