Ôi lơ 20/3, ta Hà Nội geh bôk nau kan “Tâm mâp nŭih kon se nti, sinh viên Việt Nam-Trung Quốc ăp rơh”, Tổng Bí thư Tô Lâm râng ndrel ntoh nau tâm bôk nau kan. Tổng Bí thư Tô Lâm rnê prêh nau khlay bah Bôk nau kan “Tâm mâp nŭih kon se nti, sinh viên Việt Nam-Trung Quốc ăp rơh”, lah rnôk gay nkoch mbơh tât nau tâm boh Việt-Trung, ngăn lah nkoch mbơh nau mpeh nau dơi, nau nsôih bah kon se nti, sinh viên bar dak bah ăp rơh đah nau ntrŭt dăng nau rƀŏng ân rơh hun hao mhe bah ăp Đảng, ăp dak ndrel tâm boh bar rnoi mpôl oh nô.

Đah nau khlay nê, Tổng Bí thư Tô Lâm ntoh du đê̆ nau pơk trong ân druh ndăm, rơh mom bah bar dak tâm nê ân n’hao nau jru ngăn mpeh nau ơm, nau khlay ndrel nau rƀŏng kan prêh bah tâm boh Việt-Trung, druh ndăm bar dak geh nau ndơn ndrel lŏ ƀư nau kan nthoi tay, leo tâm boh bar dak hun hao prêh mhe. Êp nê, druh ndăm bar dak kŏ nsôih ntĭm nti, nchiărr, hao ƀư tơm khoa học công nghệ gay rgop tâm nau kan mhe, ueh, hun hao rmôt kan ê nkra mhe tâm ăp dak, ƀư nâp nau geh jêng bah tâm boh bar dak./.