Tổng Bí thư Tô Lâm lĕ nkoch mpeh bar nău kan têh: tât năm 2030 di rơh kahgĭt  100 năm njêng Đảng, n’hanh tât năm 2045 di rơh kahgĭt 100 năm nar ngih dak, đah nău kan rgâl mhe nău kan wăng sa, nău ueh mhe tâm khoa học công nghệ n’hanh ƀư ueh nău kan ngih dak. Mpeh nchră nău đah dak bah dih, Việt Nam jăp nâp tĭng nău đăp mpăn, nău mĭn êng, âk nău kan, uănh Nhật Bản lah dak kan ndrel lĕ rngôch dŭt khlăy bôk năp. Tổng Bí thư mpơl nău rhơn rnôk ma nău tâm boh Việt Nam – Nhật Bản an geh hun hao tay, ngăn lah lôch 2 dak n’hao nău tâm boh pah kan wăng sa jêng nău tâm boh kan lĕ rngôch jŏ jong, Nău tâm kơl têh hvi ta ăp trong kan kơt wăng sa, pah kan, ntĭm nti, rgâl mhe rnoh mbrô, rgâl mhe n’hanh tâm nđur ƀon lan ăp nar lơ ma hăn lăp tâm jrô kan na nê̆ ntop bun dăp nău tâm rnglăp tâm kơl nâp nâl đâh bar dak.