Kêng măng nđaơ 19/11, Tổng Bí thư Tô Lâm lĕ wơt wa Jadamba Enkhbayar, Kruanh N’gâng kan ndơ sông sa, Lŏ mir n’hanh Công nghiệp jêt Mông Cổ. Tổng Bí thư Tô Lâm uănh lah prêh ăp nău geh ma Mông Cổ lĕ dơi geh tâm năm dăch aơ. Mpeh tâm boh Việt Nam-Mông Cô, Tổng Bí thư nkoch nău răm rhơn ta năp ăp njoat hun hao tâm boh ăp ding tâm 70 năm bah năp, kơp bah rnôk ndâk njêng tâm rnglăp nchră nău bah dih; uănh lah prêh nău 2 ding ƀư rơh rƀŭn 19 Ủy ban 2 chính phủ Việt Nam-Mông Cổ.

Nău ƀư aơ geh nkô̆ khlay tâm nău ƀư tĭng nău wât nsum gưl prêh n’hanh Mbơh nsum mpeh nău ndâk njêng tâm boh kan ndrel lĕ rngôch Việt Nam-Mông Cô. Tổng Bí thư Tô Lâm đă tĭng nău tâm boh ăp ding, 2 ding an n’hao lơn tay tâm boh chính trị, rnă njrăng, mât njrăng bri dak, wăng sa-tăch rgâl, văn hóa, pâl nđaih, tâm nđŭr nuĭh ƀon lan; ntrôl kan ndrel ngăn ngên, săk rnglăy ta ăp ntil nău kan ndrel đah nău geh ơm, jâng nsan têh bah ăp dak.