VOV4.M’nông- Ta nkuăl ƀon têh Pleiku, mpôl pah kan bâh Tổng công ty Tân Cảng Sài Gòn lĕ geh ƀư dơn kơl mât rong lĕ nău rêh 10 nuĭh rnăk vâl tahen khĭt tâm lơh kăl e, nuĭh geh kan đah cách mạng n’hanh pă học bổng “Mpoh ang nău mĭn ŭch” 2022 an ăp oh kon hoc geh nău rêh jêr jŏt.

Ta rơh lễ, Tổng công ty Tân Cảng Sài Gòn Quân chủng Hải Quân lĕ pă nău ntrŭnh dơn mât rong 10 nuĭh rnăk vâl tahen khĭt tâm lơh n’hanh rnăk vâl nuĭh geh kan đah cách mang ta 9 nkuăl geh: Ia Grai, Đức Cơ, Kbang, Kông Chro, Chư Prông, Đăk Đoa, Ia Pa, Krông Pa n’hanh Mang Yang. Tâm rnôk dơn mât rong bâh khay 7/2022, geh nđâp prăk kơl ăp khay, tât ôp khâl di rơh lễ, tết đah rnoh prăk 22 rkeh prăk/hê/năm.

Di rơh aơ, Tổng công ty ƀư pă học bổng “Mpoh ang nău mĭn ŭch” an 10 oh kon hoc ach o, rlet rlău nău jêr, hun hao tâm nău nti, đah ăp nklâm ndơ lah 5 rkeh prăk.

Nuĭh rblang: Thị Đoắt