Di nkah 50 năm nar nkuăl ƀon têh Hồ Chí Minh geh moh tĭng săk Kruanh Hồ Chí Minh, ôi 1/7, UBND nkuăl ƀon têh Hồ Chí ƀư ndâk 8 ntŭk kan tơm, khlay, đah rnoh ntuh kơl rlau 235 rbăn rmen prăk. Ntoh ngăn lah nau kan công viên Bến Nhà Rồng-Khánh Hội ndrel tơm si Công viên Bến Bạch Đằng, hvi rlau 73 ha, rnoh prăk ntuh kơl rlau 29,3 rmen prăk.

Bôk nau kan mra n’hao nkra trong Nguyễn Tất Thành jao jêng 10 ntrong ndeh, ndâk trong nâm lăp Hoàng Diệu, nkra mhe ndrel pơk hvi ntung Tân Thuận, ntuh kơl ntŭk njưh ndeh, ntung, ntrong kan ăp ndrăp. Nau ueh lah ntung aơ m’ăk bah dak me Sài Gòn nthoi ma Bến Nhà Rồng ndrel Bến Bạch Đằng, ndrel ma ăp ntŭk ƀư nau kan văn hoá, ơm yau ueh hvi nklăp 11 ha tâm Bến Nhà Rồng, rgop nau ndâk nau mhe ân ntŭk tơm nklang./.