VOV4.M'nông: Nthoi tay rơh hop tâl 13, ôi aơ (12/7), Ủy ban Thường vụ Quốc hội n'glôch jêh rơh hop tâl 3 n'hanh an nău rgop lor bôk năp an nău nchrăp rơh hop tâl 4, Quốc hội khóa 15. Rơh hop tâl 3, Quốc hội hŏ  ŭanh an dŏng 5 luật, 17 nghị quyết; an nău rgop mpeh 6 trong nchrăp luật êng ƀa ƀă n'hanh dăn đă âk nkô̆ khlay mô dơn an năm 2022 ma hôm an lĕ ma lvang năm 2021-2025 n'hanh ăp năm bah kơi nê. Mpeh nchrăp nkô̆ Rơh hop tâl 4, Kruanh Quốc hội Vương Đình Huệ an gĭt: Rơh hop an nău rgop lor bôk năp mpeh nău nchrăp an rơh hop tâl 4 nchrăp mbra ƀư tâm khay 10 năm aơ. Ta rơh hop dja rgum tơm lah pah kan njêng pháp luật, mĭn uănh an dŏng âk trong nchrăp luật, an nău rgop lor bôk năp âk trong nchrăp Luật. Đah rnoh âk pah kan rdâk njêng pháp luật âk kơt nê̆ ri pah kan nchrăp, rgop kan nsum đah Chính phủ tâm ƀư tơm nchih rgum, nhih pah kan ôp uănh, mhâm trong ƀư  gay rơh hop tâl 4 tĭng ƀư di  trong nchrăp n'hanh dŭt geh nău tam./.

Nuĭh rblang: Điểu Thân