VOV4.M’nông: Việt Nam mhe geh săch ƀư dak kan nsum bah Uỷ ban âk Chính phủ-nau kan rđau, uănh nau ƀư nau ton 2003-năm kan 2022-2026 bah UNESCO, đah rnoh phiếu âk. Aơ lah nau geh tă bah rơh rƀŭn Đại hội đồng ăp dak kan nsum nau ton Mât ndơ ơm ueh bah UNESCO tal 9 ta Paris. Tâm rnoh 12 dak geh săch ƀư nau kan ndơn rgâl ân năm kan 2022-2026, geh 4 dak tâm nkuăl Châu Á-Thái Bình Dương geh Việt Nam, Malaysia, Ấn Độ ndrel Băng-la-đét. Uỷ ban âk Chính phủ nau ton 2003 geh 24 dak kan nsum, lah ntŭk rđau kan khlay bah UNESCO mpeh nau mât ndơ ơm yau, ndơn nau kan tâm nau mêt uănh nau tâm ton ƀư tĭng nau ton, nau đă luh ăp nau kan gay ma mât ndơ ơm yau, kơl an dak ba dih, uănh ăp săm ƀŭt geh mbơh đă gay nchih moh săk...gay Đại hội đồng nau tâm ton nchră uănh. Aơ lah tal 2 Việt Nam geh ndơn nau kan aơ tâm du ntŭk rđau nau kan tơm mpeh văn hoá bah UNESCO./.

Nŭih rblang: H’Thi