VOV4.M’nông-  Ôi nar 18/7 ta Hà nội lĕ geh ƀư rơh kahgĭt 60 năm nar njêng nău tâm boh kan nchră nău đah dak bah dih Việt Nam- Lào n’hanh 45 năm ký tâm ton tâm rnglăp n’hanh tâm kơl đah bar dak. Tổng Bí thư Nguyễn Phú Trọng n’hanh rnâng kan Ban Bí thư, groi kruanh dak Lào Bounthong Chitmany leo kan n’hanh geh nău ntoh ngơi ta rơh kahgĭt. Rơh kahgĭt 60 năm nar njêng tâm boh kan đah dak bah dih n’hanh 45 năm nar ký tâm ton tâm rnglăp n’hanh tâm kơl Việt Nam-Lào dơi geh uănh du nău kan tơm khlăy bâh nău tâm rnglăp têh, tâm rnglăp khlăy n’hanh tâm kơl lĕ rngôch Việt Nam -Lào , lah rơh gay ma bar ding ndrel nkah tay nău têh khlăy bâh rmôt kan tâm rnglăp tâm lơh Việt Nam-Lào, nău kơl an n’hanh kơl nău tâm rnglăp, năp kơi dơn ngoăy đah Đảng, bar ngih dak n’hanh ƀon lan 2 dak ta rơh tâm lơh an geh nău đăp mpăn an bar mpôl rnoi ntơm nơh n’hanh ta rơh rdâk njêng, hun hao n’hanh mât neh dak ta ăp ngih dak aƀaơ. Aơ lah nău kan ntop n’hao nău mbơh tơih ntĭm nti ăp nuĭh ƀon lan, ngăn lah rơh mom bâh 2 dak mpeh nău khlăy n’hanh nău têh kuăng bâh nău tâm boh kan Việt Nam- Lào.

Nuĭh rblang: Thị Đoắt