Lôch rơh vơt ta ntŭk kan Chính phủ, bar Thủ tướng lĕ tâm nchră n’hanh lah tay na nê̆ nău nsrôih an geh bun dăp tay nău tâm boh tâm rnglăp têh kuăng, tâm rnglăp khlăy, tâm kơl lĕ rngôch n’hanh dăch bên nău kan Việt Nam - Lào. Bar ding lĕ rnê âk ăp nău geh tâm kơl kan tâm ba năp nơh, nkre lah tâm ban ŭch mât săk rnglăy ăp trong kan tâm kơl, mbơh tơih răng dăng ăp nău tâm ton dơn ngoăy ntrôl tâm kơl kan 2 ding lvang năm 2026-2030. Mpeh nău wăng sa 2 dak tâm ban ŭch ntrôl tâm kơl kan ndơ dŏng ntung trong logistic n’hanh tăch rgâl tĭng trong rgâl dăng bâh tâm kơl tâm rnglăp jêng tâm kơl an geh săk rnglăy, ndrel hun hao, an lor ăp nău kan tơm khlăy kơt trong têh Hà Nội- Viêng Chăn, trong loih Vũng Áng- Viêng Chăn, ntop n’hao nău tâm rgop ta nkual.