Kêng măng 12/10, ta phường Tuy Hòa, wa Nguyễn Thanh Nghị, Kruanh Ban Nau ntrŭnh, Nau nchrăp Trung ương ndrel Rmôt kan ntoh măt Quốc hội n'gor Dak Lak tâm mâp ma cử tri ăp phường Tuy Hòa, Bình Kiến n'hanh xã Phú Hòa 1. Ta rƀŭn nchră, cử tri dăn đă rgum tâm ăp nkô̆ nău ƀon lan gŭ, ntung trong n'hanh nău rêh jêng. Tâm nĕ, an geh ngăch nkra bah nău jŭr djơh, rluh rlâm ta trong der Quốc lộ 1 rlet nkuăl phường Bình Kiến; ntuh kơl, nkra têh ueh tay ngih rgum rƀŭn nsum mpôl n'hanh ndơ dŏng njrăng n'gang phŭt sial, der trôk nar lơh ta ăp nkual ƀon lan gŭ âk nuĭh, nkual yôk prêh.

Cử tri dăn đă đŏng mât uănh nău rêh, nău kơl đah cán bộ ta ntŭk n'hanh nuĭh âk năm deh. Lôch jêh nar pah kan mâp ƀon lan, wa Nguyễn Thanh Nghị kơp dơn ăp nău rgop, dăn đă bah ƀon lan; bah nĕ, dăn đă n'gâng kan ƀon lan, nău kan dơi kan n'gor Dak Lak tâm pă ntil n'hanh rmal ntrŭnh rklaih ăp nau kan geh tât nau dơi. Ăp nkô̆ nau rlet nau dơi an geh rgum, njoăl tât ntŭk kan geh nau dơi uănh. Rmôt kan ntoh măt Quốc hội n'gor geh nău dơn kan tĭng uănh n’ôi rnôk nkra, đăp mpăn nău ntrŭnh rƀŭn tơm tâm di bah cử tri dơi nkra./.