Ôi 9/10, ta Hà Nội, Kruanh Ban Tuyên giáo Trung ương Nguyễn Trọng Nghĩa tât râng n’hanh geh nău lah rđău đă ta Nar khai giảng năm nti mhe 2024-2025 ta Đại học Bách khoa Hà Nội. Lah ta Nar khai giảng, wa Nguyễn Trọng Nghĩa dăn đă, Đại học Bách khoa Hà Nội ân gĭt êng jru hvi n’hanh đăm ăp tŏng ăp nău mĭn, trong nchrăp rđău đă bah Đảng mpeh ntĭm nti, khoa học công nghệ, rgâl mhe, rgâl mbrô.

N’hao nău gĭt êng mpeh ntŭk gŭ kan khlay bah he tâm nău dơn kan ntĭm nti tơm nuĭh kan săk blău. Têk ndrêng gŭ mĭn khoa khọc, rgâl mhe ta trong kan koa học kỹ thuật, công nghệ, gay tŏng đah nău  ŭch geh hun hao ngăch, nâp dăng bah neh dak. Nkre, rgop khlay tâm hun hao wăng sa- rêh jêng kon nuĭh n’hanh đăp mpăn njrăng n’gang neh dak, rnă njrăng nkual Đồng bằng Sông Hồng tât năm 2030, uănh ngai tât năm 2045.