VOV4.M’nông: Tâm rơh tât, nau geh bah srê Covid-19 lŏ geh âk nau jêr ndrel njêng săk mhe, N’gâng kan nchrăp kan ndrel ntuh kơl nchrăp hôm ơm âk nau tât ndrel nau ntul rlong đah ntŭk kan tăch rgâl ndrel đă 8 nau kan, njêng nau dơi ndâk tay ân ntŭk kan tăch rgâl. Tâm nê rgum ƀư nuih n’hâm “njrăng srê kơt njrăng phung rlăng”, ăp gưl kan, ntŭk kan, nkuăl ân geh rgum leo lăp kan đah nau nsôih âk ngăn, kơl an ân nau tơm gay ma nkân njrăng ân ueh nau kan dôl geh bah srê, pơk trong nơih ân ntŭk kan tăch rgâl đăp mpăn nau kan tăch rgâl, ndâk ndrel hun hao.

Tĭng nê, nkre ƀư ăp nau kan njrăng, rdâng srê Covid-19 nkre ƀư nau kan pah kan, pơk trong nơih nau ăp ntŭk kan tăch rgâl geh đăp mpăn ndrel mât dơi nau kan tăch rgâl, đăp mpăn leo tăch ndơ ân geh kloh, aih, săk tam; kơl an koh n’huch nau leo dŏng, doh rklaih ăp nau jêr mpeh prăk ân ntŭk kan tăch rgâl…Êp nê, N’gâng kan nchrăp kan ndrel ntuh kơl Nguyễn Chí Dũng mbơh, Thủ tướng Chính phủ ơm ndâk rmôt ƀư nau kan ngăn bah Thủ tướng Chính phủ mpeh nau doh rklaih nau jêr ân ntŭk kan ndrel nŭih ƀon lan geh nau khuch tă bah srê Covid-19./.

Nŭih rblang: H’Thi