VOV4.M’nông: Tĭng Bộ Ngoại giao Hàn Quốc, Ngoại trưởng dak dja wa Chung Eui-yong geh hăn khâl jong nar dak bah dih ntơm bah nar 21-25/6 tât pe dak Việt Nam, Singapore n'hanh Indonesia, ăp băl tâm boh khlay tâm trong kan hăn mpeh bah dâng mhe. Aơ lah nău kan tâm boh hăn mâp na nê̆ lor bôk năp đah ăp dak mpeh Hiệp hội ăp dak Đông Nam Á (ASEAN) kơp ntơm bah rnôk wa Chung dơn nău kan tâm khay 2 mhe aơ. Nchrăp, Ngoại trưởng Chung Eui-yong mbra tâm nchră bar ding đah nuĭh ndrel gưl kan n'hanh nchrăp kruanh rđău kan ăp dak. Bộ Ngoại giao an gĭt ma trong hăn khâl rơh dja, Ngoại trưởng Chung nchrăp mbra tâm nchră jru hvi đah pe dak Đông Nam Á mpeh trong nkra n'hao dăng tâm boh tâm ăp trong kan kơt dak si, njrăng n'gang nuh srê, rdâk hao tay wăng sa n'hanh ăp nkô̆ nău ntoh luh tâm nkual./.

Nuĭh rblang: Điểu Thân