Tĭng nău mbơh bah Ntŭk rgum mât kân kop ji n’gor Dak Lak, ta n’gor mhe năl geh du hê nuĭh khĭt mĭn tă bah ji so ndrăng kăp. Aơ lah nuĭh tâl 7 khĭt mĭn tă bah ji so ndrăng kăp ta Dak Lak tâm năm  aơ. Bu ur nuĭh ji deh năm 1975, ta xã Ea Tar, nkuâl Cư M'gar.

Tĭng hồ sơ nuĭh ji, nar 17/11, nuĭh ji sĭt bah nhih dak si saơ ji lêt lam săk, srim dak, srim sial, dơi rnăk njŭn săm ta Nhih dak si nkual Tây Nguyên. Ta aơ, ăp bác sĩ nchroh tĭng groi nđôi nău tât kop ji so ndrăng kăp. Tât ôi 18/11, nuĭh ji khĭt. Tĭng rnăk nuĭh ji, jŏ đah nar lăp nhih dak si nklăp 2 khay, nuĭh ji geh so rnăk nơm kăp tâm nting kliăng ti ma n’hanh mô njŭn hăn chuh vaccine njrăng n’gang ji so ndrăng kăp.