Ta n’gor Kon Tum rnoh âk nuĭh  ntưp ji luh mê gŭr hao âk ndal, n’gâng kan ta ntŭk n’hao dăng pah kan njrăng n’gang nuh srê ji luh mê gŭr, tâm nê n’gluh tât chuh nkrum lam vaccine an 95% nuĭh tâm săk chuh n’gang, tâm khay 3 pơh dja, tĭng nău rđău đă bah Chính phủ n’hanh Bộ Y tế.

Bơi 3 khay aơ n’gâng kan dak si Kon Tum năl geh 728 nuĭh ntưp ji luh mê gŭr n’hanh mĭn geh ji luh mê gŭr hao 722 nuĭh rđĭl đah ndrel khay dja năm e nơh. Tĭng ƀư nău rđău đă bah Chính phủ n’hanh Bộ Y tế, ndrel đah ntrôl dăng pah kan nkoch trêng tât ăp thôn ƀon nkual jru, nkual ngai, nkual rnoi mpôl đê̆, n’gâng kan dak si n’gor Kon Tum dôl tĭng ƀư chuh n’gang vaccine njrăng, n’gang ji luh mê gŭr. Bác sỹ chuyên khoa II Đỗ Ngọc Hoà, Groi Giám đốc Sở Y tế n’gor Kon Tum, an gĭt, n’gâng kan dak si ta ntŭk dôl ntrôl ngăch chuh n’gang vaccine, nsrôih chuh nkrum lam 95% rmôt nuĭh tâm săk chuh n’gang tâm khay 3 dja dĭl.