VOV4.M’nông – Đah bôk nău “Ngăch rgâl-tâm di rŭn hao”, Liên hoan Phát thanh lam dak rơh tal 15 năm 2022 yor Radio nău ngơi Việt Nam (VOV) tâm rgop đah UBND nkual ƀon têh Hồ Chí Minh lĕ ntơm ƀư măng nđaơ (4/8) ta Ngih mprơ nkual ƀon têh Hồ Chí MInh. Tâm nđŭr năm aơ geh tât râng bah 86 ntŭk kan, geh 203 tác phẩm lăp chung khảo, geh 65 tác phẩm mpeh ntil phóng sự; 37 tác phẩm mpeh tâm nău ôp; 11 nkô̆ nău ntuh ngơi; 57 bôk nău ntuh ngơi; 33 nău ngơi tâm ơh; 34 bôk nău ntuh kơl sŏng dăng.

Liên hoàn Phát thanh ta nkual ƀon têh Hồ Chí Minh.

Liên hoan Phát thanh rơh aơ lah du nău ƀư dŭt geh nkô̆ nău khlay đah nkual ƀon têh Hồ Chí Minh n’hanh lam dak jêh rlău 2 năm njrăng, n’gang srê Covid-19. Ăp tác phẩm lah nău ngăn n’hanh nău uĕh ngăn tâm trong njrăng n’gang srê n’hanh rdâk hao wăng sa rêh jêng mbra dơi rnê rhơn n’hanh an ndơ nkhôm di rơh tâm nđŭr aơ.

Nŭih blang: Y Sưng Phê Ja