Ta Ga Đà Lạt, UBND phường Xuân Hương-Đà Lạt tâm rgop đah ăp ngih pah kan dơi kan n’gor Lâm Đồng ƀư n’glôch jêh Lễ hội nkao mai anh đào-Đà Lạt yan puh 2026, lôch rlău 2 pơh ƀư n’gŭr răm đah âk nău ƀư văn hóa, nghệ thuật n’hanh ƀư ngăn pâl nđaih uĕh. Lễ hội lĕ ƀư đah 11 nău ƀư ngăn rgum nsum, dơi ƀư ta âk ntŭk nklang n’hanh nkual kiău ma bah Đà Lạt.

Tă bah nĕ, ntô̆ n’hao nău uĕh nkual rup ndah yan puh, treh rêng rup gui kon nuĭh Đà Lạt uĕh lăng, ryơk năch: nkre rgop ntrŭt ngăch pâl nđaih, mpla nsơ ndơ moh êng Đà Lạt-Lâm Đồng. Kruanh UBND phường Xuân Hương-Đà Lạt an gĭt, lễ hội lôch yơn nkao mai anh đào hôm e dang uĕh ta ăp phố phường, n’glơi an ăp nău uĕh mpeh nău rŏng nuĭh Đà Lạt tâm nuih n’hâm năch, tă bah nĕ n’hao rup gui ntŭk tât Đà Lạt-Lâm Đồng.