Pơh văn hóa- pâl nđaih ta Gia Lai năm 2023 mbra geh ƀư bâh lơ 11 tât 19/11 ta nkuăl ƀon têh Pleiku, nkuăl Chư Păh n’hanh nkuăl Ia Grai n’gor Gia Lai geh ăp nău kan: Rơh ntơm pơk  pơh văn hóa- pâl nđaih Gia Lai năm 2023, tâm nđur chĭng gong n’gor Gia Lai năm 2023 đah nău tât râng bâh 1 rbăn nghệ nhân bâh 5 n’gor Tây Nguyên.

Rơh tăch ndơ n’hanh mbơh tơih ntil ndơ tuch tăm ntoh lư ta n’gor Gia Lai, pơh mbơh tơih kao Dã Quỳ-yôk ŭnh Chư Đăng Ya năm 2023; rơh tâm rlong hăn jâng “Gia Lai city trail 2023- Giấc mơ đại ngàn”, rơh tâm rlong vah duk ta dak me Pô Cô tâm rlong Cup A Sanh n’hanh tâm nđur tŭr chĭng nkuăl Ia Grai; mbơh tơih ndơ nsoh way ơm, tâm rlong njroh mprơ...Pơh văn hóa- pâl nđaih Gia Lai năm 2023 geh ƀư gay ma mbơh tơih, mbơh n’hơ ăp nău khlăy văn hóa ntoh lư, ueh bâh n’gor Gia Lai ngăn lah nău ueh êng bâh chĭng gong Tây Nguyên.