Bâh ntơm kăl e, nău rêh ndrel đah bri dak jêng nău hăng n’hanh tăng lah ndơ sa bâh nuĭh Rđe gay ma tâm di đah ntŭk gŭ rêh. Djam ƀlê lah du ntil n’ha biapw bên bâh nuĭh Rđe, nkre lah ndơ sa ntoh lư n’hanh lah du ntil dak si khlăy.

Ta khay wai djăm ƀlê way hon dŭt âk ta ăp ntôr bri, tâm mir. Tâm khay mih rĭ nău ƀô kah bâh djăm ƀlê mô hôm kah. Gay ma gâm ƀư ndơ sa bâh ntil biăp bri, nuĭh Rđe kanŭng sŏk nkŭt, n’ha nse sĭt rao kloh n’hanh gâm sa tĭng nău ŭch bâh êng nơm. Djam ƀlê geh nău tăng, dŭt ƀô kah. Yuh H’Lip Kƀuôr, ta ƀon Yao, xã Ea Tul, nkuăl Cư M’gar, n’gor Dăk Lak an gĭt, djam ƀlê lah ndơ sa dŭt dăch bên đah nuĭh Rđe.

 “Lôch rnôk tôch n’ha nkŭr gâp hŭr ma ŭnh, lôcyh nĕ săch tay n’ha, nkŭr an ta ngan. Lôch nĕ yuh mbrăch, mboh, ƀột ngot, jăm tăp mpli nsum đah djam ƀlê. Ta khay aơ, djam ƀlê mô dơi mô geh ta rơh sông ta mir”.

Nuĭh Rđe way ƀư djăm ƀlê êng êng, geh nuĭh sa rêh mô lah vâr ngi, gâm pop...Ăp rơh mom rĭ way lah mpli rêh đah ăp ntil ndơ boh mbrăch, mô lah gâp pop sa lip ma dak măm, vâr đah ka hâp, ka kro...Hôm ăp nuĭh ranh way sâm jêr lơn kơt lah pai ma rnih mô lah tĕ tay ăp ntil ndơ êng geh bâh nuĭh Rđe gay ma gâm n’ha djam ƀlê. Wa H’Dluê Êban ta ƀon Hra B, xã Ea Tul, nkuăl Cư M’gar, n’gor Dak Lak an gĭt.

 “Rnôk geh ƀư sa n’ha aơ, gâm dak duh, lôch nĕ tĕ buh prit mô lah ntô tuh. Lôch nĕ tĕ tay boh bột ngot. Rnôk rgŏ khuh tĕ tay n’ha djam ƀlê, tĕ du đê̆ tuh neh lôch vâr, tĕ jăm tăp. Bâh kăl e, nuĭh Rđe lĕ gt ĭsa n’ha aơ, gâm kơt aơ mô nă geh nuĭh blău gâm. âk nuĭh bu way sa rêh, mô lah vâr ma ngi dơm.

Hôm đah yuh H’Zen Ayun, ta ƀon Pơr, xã Ea Tul, nkuăl Cư M’gar, n’gor Dak Lak ndơn yor ma gâm piăp, yuh vâr djam ƀlê đah trich n’hanh tĕ boh bôt ngot way dŏng sa ăp nar ndơ an ndơ sa lơ ma kah lơn. Yuh nkoch ăp ndơ sa bâh djam ƀlê aơ mô dơn ƀư rgâl ndơ sa tâm rnăk sa, ma hôm nha lah ngoăy tâm âk ndơ sa ntoh lư geh gâm vơt năch tâm ntŭk rêh jêng.

“Gâp gâm djam ƀlê đah blân srat, trich, te boh, bột ngot, mbrăch rĭ đê̆ mô lah ƀhôi tĭng he nơm sa. Djam ƀlê way dŭt kah ta khay wai, ta khay mih geh đŏng yơn dŭt tăng ƀăl mô ƀô kah. ndơ sa aơ geh tănh djanh, ƀô kah. aơ lah ntil ndơ sa bâh nuĭh Rđe”.

Aƀaơ lơ ma geh âk nuĭh ŭch n’hanh joi n’ha djam ƀlê sĭt nkret ƀư ăp ndơ sa ăp nar yor aơ lah ntil biăp, ƀô kah. Bol ma mhâm gâm rĭ djam ƀlê hôm nha geh mât kơt ơm nău tănh djanh ƀô n’ha bri. Nuĭh Rđe mĭn lah ăp nuĭh ŭch ăp ntil ndơ biăp n’ha, play bri geh tăng djanh lah nuĭh dăng săk, gơih pah kan. Ăp nuĭh lĕ tă du tơ̆ sa ndơ tănh bâh bri mbra kahgĭt mbro n’ha si aơ.