Di nkah 136 năm nar deh Kruanh Hồ Chí Minh, măng 19/5, ta ntŭk kan ƀư nau njroh mprơ Âu Cơ (Hà Nội), Báo Văn hoá tâm rgop nsum ma ăp mrôt kan geh tât ƀư Bôk nau kan njroh mprơ chính luận “Ang mro moh săk Wa”. Bôk nau kan geh ƀư jêng 3 gưl: Wa hăn joi rup bah neh dak, ndâk njêng tay ntrong hăn gay joi trong kơl an neh dak, ntơm bah ntŭk ƀon tơm Làng Sen, nau tâm boh đah me kon ndrel ăp rnôk geh tâm ntĭnh ntăn; Ntŭk ang leo trong hăn, rgum tâm nau ryơk nau mĭn, nau rêh, nau kan Hồ Chí Minh ndrel trong cách mạng Việt Nam nkah ngăn nau ntĭm bah Wa, lah rjăp nau tă geh dơi ndrel nau ntô̆ n’hao mpeh du dak Việt Nam hun hao tĭng trong Wa săch, rêng nuih n’hâm janh mĭn, tâm rnglăp, hao jêng.

Bôk nau kan njroh mprơ “Ang mro moh săk Wa’ mô êng lah nau kan njrog mprơ ơm ueh ma hôm geh nau khlay ngăn rnôk nkah gĭt Nar deh Kruanh Hồ Chí Minh, ma hôm lah rnôk gay nkoch trêng, ntĭm nau vay rŏng dak, nau mĭn cách mạng; rgop nau n’hao nau gĭt, bun dăp nau rnơm, ndâk nau kan ndrel nau mpŏng kơl an bah ăp kơn ƀon lan, ngăn lah rơh mom, tâm nau kan ntĭm nti ndrel ƀư tĭng nau mĭn, nau rêh, nau kan Hồ Chí Minh./.