Geh ƀư bâh lơ 18 tât 22/5, pla n’hơ geh mbơh tơih tât 148 tác phẩm bâh 5 bôk nău kan têh geh ndơ si gle, di sản, ntŭk rêh jêng ăp mpôl rnoi, ndơ sông sa n’hanh pâl nđaih ăp ntŭk. Ăp ntil rup nkoch ntĭt nău ueh êng bâh bri dak si gle, nău rêh, văn hoá n’hanh kon nuĭh Gia Lai ta rơh mhe hun hao. Đah rnoh neh rlău 21 rbăn km vuông n’hanh rnoh ƀon lan ta rlău 3,5 rkeh nuĭh, Gia Lai geh uănh rnê lah geh âk nău dơi hun hao bâh ndơ si gle ueh, âk nău ueh êng. Pla n’hơ geh ntop mbơh tơih rup ueh ta ntŭk dăch bên, ueh, nkre lah mpŏng tât nău ŭch mât rbăy n’hanh n’hao nău khlăy di sản văn hoá ndrel đah hun hao pâl nđaih nâp nâl.