Nkhêp nkah ndray 136 năm Nar deh Kruanh Hồ Chí Minh, Hội Văn học Nghệ thuật n’gor Dak Lak kan nsum đah Trung đoàn Cảnh sát cơ động Tây Nguyên n’hanh Phân hiệu Nhih nti Đại học Luật Hà Nội ta Dak Lak ƀư rgum nchră “Ăp ndrôm siƀŭt nchih mpeh Kruanh Hồ Chí Minh n’hanh nău nđơr druh ndăm”. Bôk nău kan wăch âk mpưm nghệ sĩ, giảng viên, cán bộ tahen n’hanh sinh viên râng.

Ăp nău rgop ta rơh rgum nchră lah rjăp, tâm rơh keh mbrô, nău rŏ siƀŭt mpeh Wa mô dơn kơl rơh druh ndăm wât tay mpeh lịch sử rnoi nuĭh ma hôm rgop bun dăp nuih n’hâm kon nuĭh, trong gŭ rêh n’hanh nău dơn kan đah nsum mpôl. Tĭng Nhà văn Niê Thanh Mai, Kruanh Hội Văn học Nghệ thuật n’gor Dak Lak, let năp tay mbra rêng lam ăp nău nchih mpeh Wa ma âk trong ƀư gay ndơ̆ rnoh khlay nău mĭn, nuih n’hâm uĕh lŏng, trong gŭ rêh Hồ Chí Minh tât dăch lơn đah lam nuĭh.