Măng 5/6, Rnâng kan ƀư nau nkah ăp nar lễ tê Nkuăl ƀon têh Hồ Chí Minh bôk nau kan njroh mprơ ueh di nkah 133 năm nar deh Kruanh Hồ Chí Minh (19/5) ndrel nkah 112 năm nar Wa Hồ hăn joi trong kơl an neh dak 5/6. Đah nkô̆ “Nkah mro nau mprơ Hồ Chí Minh”, bôk nau kan njroh mprơ gay nkah tât rơh mom rnôk aơ mô dơi chuêl nau kơl an têh bah Kruanh Hồ Chí Minh. Bôk nau kan njroh mprơ geh ƀư đah 3 gưl “Nau mprơh nkah ang”, “N’hơr Wa rbăn nkao si geh nau dơi ƀư” ndrel “Nkual ƀon têh Hồ Chí Minh- ueh, mhe, geh nau nâp”.

Đah ăp nau njroh mprơ kơt “Têl jâng hăn lor”, “Nŭih Cộng sản bôk năp”, “Nau mprơ nklang bri Pác Pó”, “Nau dơi Điện Biên”, “Nau dơi bah Wa ang nau rêh nơm”, “Wa dôl hăn nsum ma tahen”, “Mpŏng tât Sài Gòn”, “Kơt geh Wa tâm nar rhơn geh nau dơi”, “Nau mprơ tă bah nkual ƀon têh moh săk Wa”, ăp nau mprơ ƀư ueh lơn tay nau nkah ntrong hăn bah Wa Hồ hăn dak ba dih, ân tât rnôk sĭt dak nơm tâm lơh, răk Bản tuyên ngôn Độc lập, ntơm ndâk dak Việt Nam Dân chủ Cộng hoà./.