Tâm n’gul bôk năm 2025, rnoh bu năch pâl n’aih tă bah dak ba dih tât Viêt Nam pâl n’aih geh rlau 10 rkeh tŏ, hao rlau 20% rđil rơh aơ năm e. Rnoh năch pâl n’aih tâm dak geh bơi tât 80 rkeh tŏ, hao rlau 8%. Rnoh geh tă bah nau kan pâl n’aih geh nklăp 520 rbăn rmen prăk. Tâm rnôk rƀŭn ntrŭnh ƀư nau kan tơm bah n’gâng kan pâl n’aih, wa Nguyễn Văn Hùng, Kruanh n’gâng kan Bộ Văn hoá, Thể thao ndrel Pâl n’aih ndŏ luh ăp nkô̆ nau kan tơm tâm rnôk lam dak ƀư jêh ăp nau dăp rgum tay nkuăl neh hành chính ndrel ƀư n’gâng kan 2 gưl.

Kruanh n’gâng kan đă ăp n’gor ân ƀư năch kơp uănh, geh nau kan ntuh kơl ân ntŭk tât pâl n’aih. Mô knŭng nsing tâm nau rgum pâl n’aih Việt Nam hŏ mbơh, ăp nkuăl ân geh mbơh, ntop nau rgum ƀư tĭng kan geh pă mhe, nkre năl kloh nau dăng dơi bah nơm, nau kan tâm boh, tâm rnglăp nkuăl gay njêng nau kan pâl n’aih nâp nâl./.