Tâm trôm “Khay rlong uănh saơ ntŭk rgum tât pâl nđaih n’gor Lâm Đồng năm 2025”, Bảo tàng n’gor Lâm Đồng nkoch mbơh tât năch pâl nđaih n’hanh nuĭh ƀon lan ăp rup uĕh văn hóa săk ntơr bah ƀon lan Bu nong n’hanh Mạ. Nklang jâng gung nđĭr uĕh bah bảo tàng ta Đà Lạt, năch dơi rlong uănh saơ na nê̆ nău kan cheh tanh way ơm n’hanh djăt goh nteh chĭng gong bri neh têh  hvi.

Bol kho aơ ơm ka choh nar lơn ma âk, nuĭh Bu Nong n’hanh Mạ nha hôm mât ndray nău kan cheh tanh way ơm kơt du gâl huêng n’hâm văn hóa rnoi nuĭh he đŏng. Chĭng gong mô dơn n’gloh nteh tâm lễ hội, nar kan khlay ma aƀaơ hôm rhŏ dŏng an năch pâl nđaih, nkre joi geh trong rêh, nkre nkơnh n’hơ rnoh khlay văn hóa đŏng. Aƀaơ n’gor Lâm Đồng geh rlău 127.000 nuĭh Bu nong n’hanh rlău 50.000 nuĭh Mạ, nha hôm mât âk nău kan way ơm săk tơm rnoi nuĭh nơm đŏng.