Play mpoh lung lah du ntil tơm hon êng. Play mpoh lung tep jong kơt play phượng, jong nklăp du mét, geh play dak pŭt n’hanh way kơt play tĭng rkum ta bôk n’ging. Lơn lah, nkao, chông n’hanh play mpoh lung dơi nuĭh Tây Nguyên dŏng gay nkret gâm ndơ sa. Tâm nĕ, play mpoh lung dơi nkret gâm jêng âk ndơ sa kah kơt ƀư pot, wât poăch, gâm trau đah ka mô lah gŭch lĭp bôh mrăch, lĭp mắm tôm mô lah juh đah plân tăng. Ƀô tăng ntĭt êng bah play mpoh lung lăp ndrel ƀô tăng bah bôh, hăng bah mrăch, lĕ jêng kah mô chuêl an ăp nuĭh tă sa.

Play mpoh lung lah du ntil tơm hon êng. Play mpoh lung tep jong kơt play phượng, jong nklăp du mét, geh play dak pŭt n’hanh way kơt play tĭng rkum ta bôk n’ging. Lơn lah, nkao, chông n’hanh play mpoh lung dơi nuĭh Tây Nguyên dŏng gay nkret gâm ndơ sa. Tâm nĕ, play mpoh lung dơi nkret gâm jêng âk ndơ sa kah kơt ƀư pot, wât poăch, gâm trau đah ka mô lah gŭch lĭp bôh mrăch, lĭp mắm tôm mô lah juh đah plân tăng. Ƀô tăng ntĭt êng bah play mpoh lung lăp ndrel ƀô tăng bah bôh, hăng bah mrăch, lĕ jêng kah mô chuêl an ăp nuĭh tă sa.

Yuh H’Trich Niê, gŭ ta Ƀon Êbŭng, xă Ea Ktur, n’gor Dak Lak nkoch, play mpoh lung lah ndơ sa lĕ bên đah năm ơm jêt bâh yuh:

Bah năp đaơ, ăp rnôk hăn mir đah u n’hanh mê̆ gâp, khân pơng way pĕ sĭt nkra, nar lĭp bôh mrăch, nar lĭp mắm tôm, du ndơ sa nkre dơh nkre kah sa. Gâp nkah gĭt mro nău tăng n’hanh đêt njŭng pơng.

Play mpoh lung jêh pĕ sĭt mbra dơi gŭch ta rnga ŭnh, an ŭnh sa ntô geh dơh oi tăng n’hanh jêng ƀô kah ntĭt êng. Jêh nĕ sŏk pêh poih kloh ntô ŭnh sa, rao đah dak jêh koh n’ho. Tĭng tâm nău ŭch n’hanh bên nkret gâm, du hê geh trong nkret gâm êng êng.

Yuh H’Sily Ayŭn, ta Ƀon Čuôr Dang an gĭt, knŭng 1-2 play lah lĕ geh du ngan ƀưk pot kah jêh.

Jêh nkra, koh n’hơ play mpoh lung di sa, dơi rlŭk tay đah ka kro, ka gŭch mô lah poăch ndrôk, poăch ngi... uănh kah bôh ƀot ngot, ăp ntil n’ha kơt gir n’hanh mrăch pot nsum lah dơi sa. Ƀô tăng, njŭng bah play mpoh lung lăp ndrel đah hăng bah mrăch, kah bah ka, poăch; ƀô kah bah gir, jêng du ndơ sa pot dŭt kah.

Mô knŭng lah ndơ sa kah, ma tâm ăp rơh rgum têh, kônh wa bu Êđê way nkret gâm ăp ndơ sa kah dơi ƀư bah play mpoh lung gay an bu năch sa, kơt du nău jă sa ndơ kah bah bri. Nô Y-Suyên Brông, ta xă Êa HNing, an gĭt:

Nar aơ, bôl geh âk ndơ sa mhe, yơn kônh wa Êđê he bên nkret gâm play mpoh lung. N’hanh tâm ƀư brah rhơn ba mhe bah rnăk gâp, gâp lĕ ƀư poăch sŭr pot đah play mpoh lung gay wơt, gay ăp nuĭh nkah gĭt ƀô kah bah bri Tây Nguyên he.

 Knơm nău ƀư mhe n’hanh mpang ty blău, bu nuĭh Êđê lĕ nkret gâm play mpoh lung jêng ăp ndơ sa kah, nkre dơh n’hanh âk ndơ lăi. Đah bu năch, sa ăp ndơ sa bah play mpoh lung lah nău ƀư ngăn gay saơ nău uĕh ơm, nău rŏng bah kon nuĭh yôk prêh têh hvi, rgop ƀư uĕh tay rup ndah ndơ sa Tây Nguyên.