Ôi 2/6, nau ƀư n’hao yông cờ ASEAN Para Games 12 hŏ geh bư tâm ntŭk rgum bah Thể thao neh dak Morodok Techo ta Thủ đô Phnom Penh (Campuchia). Nau kan aơ lah nau nkah tât nau râng bah ăp rmôt thể thao ntoh măt bah 11 neh dak Đông Nam Á râng ASEAN Para Games. Tĭng nau mbơh bah Rnâng kan, ăp neh dak geh 30 nŭih hăn rlong, ăp cán bộ tât râng nau mbah n’hao cờ. Đại hội thể thao nŭih rven rvo Đông Nam á (ASEAN Para Games 12) mra geh ƀư tâm Campuchia tâm ăp nar ntơm 3-9/6.

Tĭng nau mbơh bah dak tơm ngih, ASEAN Para Games 12 geh nau râng bah nklăp 2.600 nŭih, tâm nê geh 1.400 nŭih tă bah 11 dak nkuăl Đông Nam Á. Ăp nŭih tâm rlong tâm nau rlong nchuăt, cầu lông, boccia, cờ vua, chưng play 5 nŭih, chưng play 7 nŭih, judo, cử tạ, re dak, bóng bàn, pah play gŭ, bóng rổ ndeh rlă, E-sport. Lơ 31/5, rmôt tâm rlong thể thao nŭih rven rvo Việt Nam hŏ hăn Campuchia râng Đại hội đah 159 nŭh, tâm nê geh 16 cán bộ, 21 nŭih ntĭm nti ndrel 122 nŭih râng rlong tâm 8 nau rlong nchuăt, cử tạ, cầu lông, bóng bàn, cờ vua, Judo ndrel Boccia./.