Ôi 20/2, ta tu dak me Lê Nin lịch sử, nuĭh ƀon lan Pác Bó, xã Trường Hà, nkuâl Hà Quảng, n'gor Cao Bằng hŏ ƀư nău way sŏk dak tu ta dak me Lê Nin n'hanh n'hơ an Đền thờ Kruanh Hồ Chí Minh.

Nău way nsing tâm bâk dak bôk năm mhe bah nuĭh ƀon lan ta ntŭk n'hanh nău kan geh nkô̆ khlay bôk nău "Lễ hội sĭt tu tơm Pác Bó" năm 2023. Nău way bâk dak nar bôk năm mhe lah nău uĕh văn hóa dơi ƀon lan Tày, Nùng ta âk ntŭk ta Cao Bằng mât mbro n'hanh nău bâk dak n'hơr an đền thờ Kruanh Hồ Chí Minh hŏ dơi kônh wa ƀư tâm nar 1 khay bar âm lịch bah âk năm aơ.

Tât đah Lễ hội sĭt tu tơm Pác Bó năm 2023, năch pâl nđaih hôm dơi djăt ŭanh nău njroh mprơ ndjôt săk tơm văn hoá bah ƀon lan ăp rnoi nuĭh nkuâl Hà Quảng; lăp nuih n'hâm he tâm khuh n'gôr nău pâl rlưn way ơm kơt ntŭp bliăr, sơch pih, ncho lơng djơng, hăn ndơl đar..; rlong sa ăp ndơ kah khlay mha êng bah ăp rnoi nuĭh, hăn ŭanh pâl nkual pla n'hơ ndơ geh ƀư ƀon blău cheh tanh n'hanh âk nău kan văn hóa săk ntơr êng bah ƀon lan ăp rnoi nuĭh ta aơ./.